SEEBRIG

Elementi më përfaqësues i procesit të SEDM padyshim është Iniciativa e MPFSEE. MPFSE ose e njohur ndryshe si Forca Shumëkombëshe Paqeruajtëse e Europës Juglindore (SEEBRIG) përbëhet nga 7 vende anëtare: Shqipëria, Bullgaria, Greqia, Italia, Ish-Republika Jugosllave e Maqedonisë, Rumania dhe Turqia ndërsa pesë vendet vëzhguese janë: SHBA, Ukraina, Bosnja-Hercegovina, Sllovenia dhe Kroacia. Për herë të parë në korrik 2009, brigada shumëkombëshe paqeruajtëse e Europës Juglindore (SEEBRIG) drejtohej nga një gjeneral shqiptar, gjeneral brigade Zyber Dushku, për një mandant 2 vjeçar (2009-2011). Aktualisht kjo brigadë drejtohet nga gjeneral brigade Zdravko Popovski, nga  Ish- Republika Jugosllave e Maqedonisë.

Vendet anëtare të MPFSEE janë Shqipëria, Bullgaria, Greqia, Italia, Maqedonia, Rumania, Turqia.

 

Duke besuar se bashkëpunimi dhe dialogu i vendeve të Europës Juglindore duhet të zhvillohej më tej dhe duke marrë në konsideratë angazhmin dhe kontributet e tyre për sigurinë dhe stabilitetin rajonal, më 26 shtator 1998 në Shkup të Maqedonisë (FYROM), nga ministrat e Mbrojtjes së 7 vendeve u firmos marrëveshja për krijimin e Forcës  Paqeruajtëse Shumëkombëshe të Europës Juglindore (MPFSEE). Kësaj inisiative i bashkohen Shqipëria, Bullgaria, Greqia, Italia, Maqedonia, Rumania dhe Turqia ndërsa si vende vëzhguese Sllovenia dhe pastaj SHBA e Kroacia. Së fundi, Ukraina dhe Bosnja-Hecegovina me statusin e vëzhguesit janë në proces për anëtarësim të plotë në këtë iniciativë.

Qëllimi i kësaj inisiative është kontributi në sigurinë dhe stabilitetin rajonal, besimin reciprok, forcimin e marrëdhënieve të fqinjësisë së mirë mes vendeve të Europës Juglindore në kontekstin e procesit të SEDM, Këshillit të Partneritetit Euroatlantik (EACP) dhe në frymën e Partneritetit për Paqe (PfP). Sipas marrëveshjes së MPFSEE, SEEBRIG do të angazhohet në operacione të parandalimit të konflikteve apo në operacione të tjera në mbështetje të paqes të mandatuara nga OKB apo OSBE, të udhëhequra nga NATO-BE.

Brigada e Europës Jug-Lindore (SEEBRIG) është një njësi këmbësorie, e cila përfshin të gjitha komponentet e Forcave Tokësore si dhe një shtab ndërkombëtar të përbërë nga vendet anëtare të SEDM. Kjo brigadë fillimisht e dislokuar në Plovdiv të Bullgarisë është operacionale qysh nga 31 gusht 1999. Dislokimi saj ka ndjekur një sistem rotacioni: në Kostanca të Rumanisë 2003-2007, Stamboll të Turqisë 2007-2011 dhe aktualisht është e dislokuar në Larisa të Greqisë, ku do të qëndrojë deri në vitin 2014.  
Vendet anëtare të iniciativës së MPFSEE emërojnë personel ushtarak në përbërje të shtabit të SEEBRIG, ndërsa struktura operacionale e brigadës përfshin njësi ushtarake nga vendet anëtare të përgatitura sipas standardeve të NATO. Konsultimet politike dhe ushtarake merren nga takimet e nivelit të lartë të ekspertëve të komitetit drejtues politiko-ushtarak (PMSC). Anëtarë të këtij komiteti janë vendet e lartpërmendura, ndërsa Kroacia, Sllovenia, SHBA dhe Bosnja-Hercegovina gëzojnë statusin e vëzhguesit. Vende të tjera janë në procesin e miratimit si vëzhgues.
Dislokimi dhe përfundimi i misionit të parë të SEEBRIG në Afganistan, shkurt-gusht 2006, në kuadër të ISAF, paraqet pa diskutim edhe suksesin më të madh të kësaj force, arritur në sajë të frymës së madhe dhe të kurdohershme të bashkëpunimit, që ka gjeneruar e demonstruar SEDM gjatë historisë së tij të re.
Disa momente kryesore në historikun e SEEBRIG janë:

 - 31 gusht 1999 u krijua për herë të parë në Plovdiv - Bullgari.
 - Në 2000 filloi stërvitja Komando-Shtabi me/pa pjesëmarrjen e trupave në operacionet në mbështetje të paqes “SEVEN STARS” e cila zhvillohet ende.
 - Në 1 maj 2001 u deklarua gatishmëria operacionale e brigadës në operacionet e drejtuara nga OKB, OSBE dhe operacionet paqeruajtëse të drejtuara nga NATO.
 - Në prill 2003, PMSC deklaroi se SEEBRIG është gati të marrë pjesë në operacionet paqeruajtëse (PSO) të drejtuara nga NATO e BE.
 - Në muajt prill dhe tetor 2004, ekipi i vlerësimit deklaroi kapacitetet operacionale fillestare (IOC) dhe kapacitetet e plota operacionale (FOC).
 - 2003-2007 Komanda u dislokua në Konstanca- Rumani.
 - Në 2006 mori pjesë në operacionet në mbështetje të paqes në Afganistan.
 - 2007-2011 Komanda u dislokua në Stamboll-Turqi
 - 2011-     Komanda u dislokua në Larisa-Greqi.

Misioni i SEEBRIG është dhe do të jetë dislokimi në operacionet paqeruajtëse (PSO), por edhe në operacione ndaj fatkeqësive të ndryshme natyrore dhe njerëzore. SEEBRIG do të jetë pjesë e strukturave më të mundëshme në përbërje të operacioneve në mbështetje të paqes, të udhëhequra nga NATO ose BE.

Pjesëmarrja e SEEBRIG në Afganistan “Negocim dhe sukses i përbashkët”.
Pjesëmarrja e SEEBRIG në Afganistan  u organizua dhe u drejtua në funksion të stabilitetit dhe sigurimit të operacioneve në Kabul dhe ndihmesën e qeverisë së Afganistanit (GOA) nëpërmjet Forcave të Sigurisë Kombëtare të Afganistanit (ANSF) në forcimin dhe garantimin e sigurisë.
Misioni i brigadës konkludoi në projektin e ristrukturimit të infrastrukturës dhe ndihmës për popullsinë afgane. Operacionet më të rëndësishme që ndërmori brigada ishin: Trajnimi i përbashkët i policisë, duke përfshirë ndërtimin dhe organizimin e pikave të kontrollit dhe patrullimit, mësimin e oficerëve të policisë, si të respektojnë të drejtat e njeriut, trajnimin sesi të kontrollojnë automjetet dhe individët në mbrojtje të sigurisë dhe stabilitetit në Kabul.
SEEBRIG është një instrument i rëndësishëm për pjesëmarrjen e vendeve që gjenerojnë siguri. Përpjekjet për arritjen e kapaciteteve të plota operacionale duke përdorur standardet, procedurat dhe konceptet e përbashkëta të NATO, e kanë transformuar SEEBRIG në një strukturë të aftë për t'u dislokuar dhe për të marrë pjesë në operacionet në mbështetje të paqes dhe në ato ndaj fatkeqësive të ndryshme natyrore e njerëzore.

 
Submit to FacebookSubmit to Google PlusSubmit to TwitterSubmit to LinkedIn


Buletini mujor qershor 2018Ditari, të rejat kryesore qershor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
Ministrja Xhaçka në Ministerialin e NATO në Bruksel8-9 nëntor 2017Ministeriali i NATO në nivelin e ministrave të Mbrojtjes, që u mbajt në datat 8 dhe 9 nëntor në Bruksel konfirmoi vlerësimin që aleatët...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 07 (2018) Korrik 2018Numri i fundit i revistës "Mbrojtja"...
Gazeta Ushtria13 korrik 2018Numri i fundit i të përjavshmes gazeta "Ushtria"...






Arkivi Lajmeve
Korrik 2018
Ma En Pr Sh Di
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5