OSFA në MIK Festival

e premte, 11 korrik 2025 13:24

Fotogaleria

Orkestra Simfonike e Forcave të Armatosura në Korçë në bashkëpunim me MIK Festival dhe nën drejtimin e mjeshtrit Eno Koço, mbrëmë performoi me sukses të jashtëzakonshëm koncertin me temë: “Homazh lirikut më të madh të vokalit shqiptar, Gaqo Çako”, në 90-vjetorin e lindjes së tij në Korçë (1935).

Prezantimi i jashtëzakonshëm i koncertit nga Inva Mula.

Një përmbledhje emocionuese ku interpretuan artistët e shkëlqyer:
Tatjana Kora Elmazi, Kastriot Tusha, Gjergji Mani, Xhoiden Dervishi, Genc Tukiçi dhe i ftuari special Çako.

Në këtë natë magjike në teatrin “Andon Zako Çajupi”, ndër të tjera u duartrokitën: “E lucevan le stelle” nga Tosca e Puccinit, interpretuar nga tenori Gjergji Mani dhe Orkestra Simfonike e Forcave të Armatosura, nën drejtimin e Eno Koços si edhe tenori Kastriot Tusha në «Dicitencello vuje».

Qytetarët e Korçës mbushën sallën plot dhe ndjenë magjinë e muzikës dhe artit shqiptar.

Faleminderit të gjithë artistëve dhe publikut për këtë përvojë të paharrueshme!